EDICIÓN 2019


	Retornamos. Levamos oito edicións de Son d´aldea, oito anos outorgando xesto e vida ás raíces e ás sombras dos devanceiros no rural, tentando que a lembranza colme ocos e vontades e resoen as voces da aldea antano coma ondas dun eco sen fin. Camiñamos cara a seguinte edición. Desta volta mergullarémosnos no ser das persoas maiores. A súa existencia harmónica nos eidos, na familia, punto de unión e de experiencia; vagar cos netos e labor de presenza inmenso; garda e respecto; morte entre os seus e vela nun cuarto da súa casa. No escano ao pé da lareira, ao virar de cada corredoira, en cada fonte e adro, as súas pegadas conforman as palabras do saber, dos contos, da memoria da tribo, un canto incesante de humanidade e lendas. Eles son as cántigas da ledicia e do paso dos días, con eles as sementeiras e as colleitas, as celebracións ao longo do ano e da nosa existencia, o cariño e atención que nos merecen.
	PREME AQUÍ PARA VER UN VÍDEO RESUMO DA EDICIÓN DO 2019>
	XORNADA DO VENRES - 6 DE SETEMBRO DE 2019

16:30 - Recepción de participantes no Parladoiro de Santiago de Albá 17:00 - Xornada de debate: AS PERSOAS MAIORES NO MEDIO RURAL. Participan: Mª Carmen Morán de Castro (Universidade de Santiago de Compostela): Animación sociocultural como estratexia educativa promotora da participación social. Alberto Saco (Universidade de Vigo): Os vellos no rural: Futuro e diversidade. Raquel Vázquez Pérez (Universidade de Vigo): O mantemento da poboación maior no rural: Os servizos de proximidade.
20:00 - Presentación dos libros: SON D'ALDEA 2018: AS NOVAS NA ALDEA 20:15 MONÓLOGO: “Daló de onde eu veño…” CAXOTO (Felipe Díaz). 20:30 - Actuación
Asociación Cultural “PALACIO DO REI”.
21:00 - Cea na aldea

XORNADA DO SÁBADO - 7 DE SETEMBRO DE 2019
9:30 - Recepción de participantes no campo da festa de SANTIAGO DE ALBÁ	OS OLLOS DA EXPERIENCIA. Outorgamos xesto e vida ás raíces e ás sombras dos devanceiros no rural; tentamos que a lembranza colme ocos e vontades e resoen as voces da aldea antano coma ondas dun eco sen fin. Mergullamos no ser das persoas maiores, punto de unión e de experiencia, vagar cos netos e labor de presenza inmenso, garda e respecto. Achegámosnos á memoria da tribo, á humanidade e ás lendas; celebramos o cariño e a atención que os maiores nos merecen.
10:00 - ROTEIRO TEATRAL por carballeiras da contorna do CASTELO DE PAMBRE 16 ESCENAS

O profesor da torre.	De balde...	Romance do Castelo de Pambre.	Trastadas.
Zoraida.	Verbas sisudas…	Destete.	As estampas
O mendicante de Moredo.	Camiño do traballo.	O amor do muiñeiro.	Pillando nas troitas.
Non hai refrán vello…/ O traxe.	A disputa das augas do río.	A cuadrilla da seitura a Castela.	Axuda.

14:30 - Remate do roteiro teatral e traslado libre ata o campo da festa de Santiago de Albá
15:00 - XANTAR NA ALDEA 17:00 - ENTREGA DE PREMIOS: PREMIO MÁCARA:
PREMIO SON D'ALDEA: PREMIO CAREÓN:
17:30 - XOGOS POPULARES