A X Edición do Son d’aldea non se puido facer o pasado ano 2020, a causa da pandemia. Agora, neste 2021 si que pretendemos levala a cabo e para iso estamos traballando.
Esta X Edición será, coma sempre, na primeira semana de setembro:
Venres 3 e sábado 4 de setembro de 2021.
- A causa da situación que aínda se mantén, tomaremos todas as medidas que estean na nosa man para que a festa se poida celebrar nas máximas condicións de seguridade. Para iso establecerase un PROTOCOLO COVID que iremos informando con máis precisión cando se estea achegando a data do evento, pero xa adiantamos que entre elas estarán as seguintes:
- Reducción do aforo a un 75%
- A recepción de participantes farase en varias mesas para que non haxa aglomeracións.
- Grupos máis reducidos e que se manterán estables durante toda a xornada, minimizando no posible o contacto con persoas doutros grupos.
- Uso de máscara durante o Roteiro teatral por parte do público asistente.
- Á hora do xantar cada grupo terá unha ubicación na carballeira, aillado dos outros grupos, e repartidos en mesas separadas para manter distancias de seguridade axeitadas.
- Durante as actuacións, musicais e/ou teatrais, manteranse distancias de seguridade.
- Haberá servizo de bar, coma sempre, pero non se poderá consumir na barra, so se collerán as bebidas mantendo as distancias.
